මිනිසා ශ්රේෂ්ඨත්වයට පත් වන්නේ ඔහුගේ ධනය බලය නිසා නොව ඔහුගේ උගත්කම පදනම් කර ගෙනයි.උගත්කම ඇති කර ගත හැක්කේ දැනුම වර්ධනය කර ගැනීම මතයි. බුද්ධිය මිනිසාට උත්පත්තියෙන් හිමි වන දෙයක් වන අතර දැනුම ලබාගත හැක්කේ පොත පත පරිශීලනය මඟින් වේ. ලෝකයේ බොහෝ උගතුන් බිහි වී ඇත්තේ උත්පත්තියෙන් ලැබුණු දායාදයක් නිසා නොව පොත පත පරිශීලනය මඟින් ලබාගත් දැනුම් සම්භාරය නිසයි.පොතක් කියවීම මඟින් දැනුම පමණක් නොව ජීවිතාවබෝධය ද හිමි වේ. බිඳුණු සිත් සනසා තුන් කාලයටම ගැළපෙන ආකාරයට ජීවත් වීමේ ගැඹුරු කතාන්දරය අපට කියාදෙන්නේ පොතපතයි.
- ඩබ්.ඒ.අනූෂා උදයංගනී
