පැහැසර සාහිත‍ය උදානය 2018 - නිසඳැස් තරඟාවලිය ( විවෘත )

ජයග්‍රාහී නිර්මාණය 

නූතන අප්සරාව

හැංගීගෙන පියයුරු යට

නුඹ දෙස බලනා කල

සිනාසුනේ ඇයි ?

නුඹ මට            සරදමට

කොමුල් අමඩ් ලෙඩ් ලිනසී¹ අප්සරාවී.......

මා නුඹේ සිත්තරා  නොවේ..

අතට නොපිපි කුසුමක් ගෙන

සෙනෙහස් වක්කඩ කඩාන

දිග් ඇස් දිග් ඇස් හියෙන් විද²

ඉගිල්ලුනිද සෙයිලමකට

ආලකමන්දාව අතැර

මත් බඹරු ගුල ඇවිලි

නොමන්ද්ලොල වී කිහුඹු³...

හමුළ් මරු ජහස් සුසුහස් සන්දල්ලා⁴

පපුව ළමැද හිරිවැටෙන්න

හදට ඇඟිල්ලෙන් ඇන ඇත

නුවන් දස දහස් ගණනක්

නුඹේ ගත වටා ඉගිලින

රසන්වැළැ ගන්නා රිසින හත්...⁵

මන ජල්වයි සිත් නොමුසී...⁶

ලවන් තැබූ පා සටහන් හෙමින් ලැමේ වියැකෙන විට

ඇළුම් කරන් පණ පොදකට හෙමින් ඇවිත් නුඹ බැද්දට

ලැජ්ජවීද බිම බලාන

පිරිබුන්පගා මලයුනදිවොට.....⁷

පතිවත රැකි අප්සරාව, සීගිරි ගල මත වැජඹුනු

දූෂ්‍ය වූ ගැහැණිය නුඹ,දරුවන් සමඟින් තනිවන

සීගිරි ගල පාමුල අද

බණතුජ් නොබෙණෙන් ඇසිපියෙව්

එයුන්ලයු නැත්තෙ.....⁸

මෙමට පන්හිඳක් ලැබුණිද ? - නුඹ ගැන කවි ගී ලියන්න

මෙමට පින්සලක් ලැබුණිද  ? - නුඹ ගල් තලයක අඳින්න..

කේ.ජී.හංසිකා දුලාෂිණී නිලූකා 

සංවර්ධන නිළධාරී, නිවිතිගල ප්‍රාදේශිය ලේකම් කාර්යාලය,

උපුටා ගැනීම් - සීගිරි ගී

1.      කොමුල් අමඩ් ලෙඩ් ලිනසී (103) කොමඩු ගෙඩියක ඇට මෙන් දත් ඇති කාන්තාවනි

2.      දිග් ඇස් දිග් ඇස් හියෙන් විද- දිගැසිය දිග ඇස් නැමති හීයෙන් විදිමින්

3.      මත් බඹරු ගුල ඇවිලි නොමන්ද්ලොල වී කිහුඹු - පැණි වලට ලොල් වී මත් වූ මී මැස්සන් මලටම ඇලිඇලී සේ

4.      හමුළ් මරු ජහස් සුසුහස් සන්දල්ලා - සුළඟ හමා දහස් ගණන් වෘක්ෂයේ බිම පතිත විය

5.      රසන්වැළැ ගන්නා රිසින හත්(104) මෙවුල් දම ගන්නා රිසින් අත් එසවෙයි

6.      මන ජල්වයි සිත් නොමුසී(103) මනස දල්වයි සිත ඈ කෙරෙන් නුමුදයි

7.      පිරිබුන්පගා මලයුනදිවොට(134) පිරිහිනු ධෛර්ය හා මැලවී ගිය දිව හා තොල් ඇතිව

8.      බණතුජ් නොබෙණෙන් ඇසිපියෙව්එයුන්ලයු නැත්තෙ - කතා කලද කතා නොකරයි ඇසිපිය සෙලවීමක් පවා නැත.